購物滿 HKD 800.00即享免運費優惠！（適用於 本地送貨、本地取貨 )

MrCool

台灣巧師傅芝麻湯圓 10粒裝 200g

1 評語

數量
已售出： 18

簡介

+ 我哋極度為食嘅店員, 噚晚又食 -- 台灣巧師傅芝麻湯圓 200g (會員$17‧正價$20)! . 第一樣佢哋好興奮咁話, 個芝麻餡嘅流心效果, 真係非常強烈~ 最重要、最重要! 係佢用非常靚嘅芝麻所磨成~ 何解?! 嗰個香度, 真係令人滿口甘香。 . 店員A表示, 食湯丸~ 佢喜歡飲啖薑湯先! 再食湯丸~ 第一啖薑湯原本非常夠味, 但當食了湯丸後, 啖薑湯明顯被芝麻嘅香味, 完全蓋過晒! . 台灣呢隻巧師傅真係好得~ 麻蓉多、皮薄煙韌唔易爆(當然要識煮啦!), 以急凍系嚟講, 佢係我食過咁多隻、接近有9成新包咁嘅質素! 至於老騾子桂花酒釀~ 花香、酒香, 又唔太甜, 又唔會話花唔夠鮮, 搞到煲湯丸又酸、又苦, 對台灣咁高質嘅農品嚟講, 真係小兒科啦! . 都係嗰句啦~ 煮湯丸, 唔好一味大火、慢火..... 係要水滾時放湯丸, 側邊預多一大湯碗凍水, 下湯丸後、待再滾起時, 又再落凍水~ 一湯碗凍水分3次落, 經3次翻滾起後, 湯丸皮不斷熱漲冷縮, 就會變得更煙韌軟糯美味! 另外, 佢噚晚回家有點晚~ 湯丸在保溫袋內兩小時以上, 基本已解咗凍, 但呢隻湯丸嘅皮真係做到好靚, 竟然解凍情況下, 都冇話裂皮爆餡(湯丸應在未解凍情況下煮熱)。 . 如果論質素, 呢隻台灣湯丸, 相對市面一啲賣$40 - $60嘅貴價湯丸, 真係有過之而無不及! 而且急凍都做到好似新鮮包起嘅效果, 市面真係冇乜邊隻做到。 . 台灣人整所有麵粉嘢, 都真係非常有一手~ 終於有時間試味! 院長用驚喜嚟形容!!! 急凍湯丸~ 一向睇低幾線, 記得細個時食..... 未煮都已經先爆皮~ 十二分討厭; 但台灣呢隻巧師傅, 大家睇吓個薑湯幾乾淨, 呢樣係冇得詭人0架! 再望吓湯丸皮嗰個質感, 佢唔講得薄、又唔講得厚, 但有好豐富質感, 最重要係佢個煙韌度好高, 係「阿婆食年糕」一樣, 係拉得長一長! 個薑湯滲入少少個麵皮度, 我真係滿意非常, 仲粒粒飽滿圓潤添! . 跟住到餡料, 個黑芝麻炒得好香, 輕微流沙, 份量亦充足, 完全唔孤寒~ 甜度唔高, 可以夾到個薑湯...... 院長由細到大, 係食開荃灣民豐出品(幾十年麵廠、玻璃窗口睇住佢新鮮即製), 真係有啲要求~ 呢隻急凍湯丸, 竟做出差唔多嘅質素, 真係冇嘢講! . 【台灣老騾子教學~ 桂花酒釀湯丸製法!】 院長都係驚大家唔識整 – 桂花酒釀湯丸! 安全計劃~ 都係搵返台灣老騾子嘅教學短片, 等大家可以加深記憶! . ●台灣巧師傅芝麻湯圓 10粒裝 200g (會員$17‧正價$20) ●老騾子桂花酒釀 290g (會員$25‧正價$28)

你可能感興趣的商品

評語

1 評語