購物滿 HKD 800.00即享免運費優惠！（適用於 本地送貨、本地取貨 )

MrCool

業務用糯米雞 300g

数量
已售出： 4

简介

+ 原隻大糯米雞~ 我哋都好耐冇返喇! 一直都係以「珍珠雞」代替, 原因無他~ 唔好嘅話、我哋寧願唔賣, 最近搵到呢隻 – 業務用糯米雞 300g (會員$18‧正價$22), 都係交酒樓、餐廳嘅美味, 試過真係有老茶樓水準, 所以先敢攞出嚟見大家! . 300g即係幾大?! 即係正常嘅Full Size版, 唔係嗰啲「S人縮水版」、2XXg頭、都敢攞出嚟賣, 食到人半天吊, 唔飽、又唔餓...... 材料都係正路嘢, 大隻雞翼、冬菇、臘腸, 而且仲有大塊雞肉, 同豬肉醬夾雜其中~ 由頭食到尾, 勝在啖啖飯都有汁醬、配料, 感覺餡料非常飽滿, 唔會話尾後幾啖捱白飯, 所以真係有心之作! . 最後想提嘅仲有兩點~ 依家茶記有 – 糯米雞配奶茶嘅, 都開價到$3x-$4x, 就算「齋糯米雞」收你$30都唔過份...... 呢隻咁足料都係$18, 都算有良心; 另外~ 院長留意嘅係佢塊荷葉, 新鮮青綠, 唔係嗰啲慳皮「乾荷葉」, 「鮮荷葉」食落會有一陣清香~ 可見係有心之作...... . 仲堅持做好點心嘅師傅, 依家香港買少見少, 喜歡嘅食多兩隻, 呢個年頭、點知下水仲攞唔攞到...... 點心部真係唔易做呀!
#平過批發價 #生酮飲食 #關東煮 #芒果 #純牛油 #法國牛角包 #門市自取 #流口水 #油花 #日本鹿兒島A5和牛肉眼 #批發價 #唔當和牛係牛 #蝕本貨 #超特 #特價 #深水埗 #新貨 #優惠 #MrCool #熟雪蟹棒肉 #MrCool優質食材專門

你可能感兴趣的商品